Got7 Jackson 剖白赴韓追夢辛酸史!

Got7 Jackson 剖白赴韓追夢辛酸史!

明星   2017年7月6日   星期四15:12   韓星網  

來自香港的王嘉爾(Jackson)2011年遠赴韓國當練習生,2014年以韓國男團GOT7成員出道。一轉眼已經6年過去,很多人都知道他在歌唱、綜藝上的成就,但卻未必知道他背後的犧牲和努力。Jackson早前接受新浪香港「香港精神」系列專訪,暢談自己的心路歷程,當中更披露很多不為人知的辛酸往事!

2011年,Jackson正在埋首準備倫敦奧運會,而即將要中學畢業的他,亦獲得美國一間著名大學提供學位及獎學金,此時碰巧韓國娛樂公司JYP前來Jackson所屬的中學進行試鏡,Jackson再一次受邀面試。

他表示:「當時我會諗,韓國公司咁遠嚟到香港搵到我,仲要喺我人生中遇到兩次,我覺得機會好難得,我信一定係代表咗啲嘢。」


Jackson向爸爸表達赴韓追夢的請求,卻遭到爸爸極力反對,Jackson說:「爸爸會帶我同佢以前嘅學生同隊友食飯,每次介紹我嗰陣都會好自豪,當時劍擊界好多人都好期待我,因為我係『亞洲第一劍』個仔。」

Jackson憶述:「我未見過阿爸咁樣,食完飯之後佢一個人坐咗喺露台望住個海,我覺得好傷心,會反問自己係咪因為我呢個決定而令到爸爸咁唔開心呢?」

Jackson回憶在韓國從零開始,當中不免有很多辛酸,但他卻選擇默默承受:「其實嗰陣好辛苦,辛苦可以同邊個講?一定無可能同父母講,佢哋送你出國,就算你生活好開心好健康,佢哋始終都會擔心你,更無可能同其他練習生講,人哋都會有自己要面對嘅問題。」

有苦不能訴,Jackson透露自己那時望著夜空痛哭過幾個晚上。不過,付出的努力和辛酸最終得到回報,Jackson回憶正式出道的一刻:「聽到『出道啦』呢這句嗰陣我好似發緊夢咁!」

全文 👉 新浪香港微博

相關新聞
留言/評論
主頁 » 明星 » Got7 Jackson 剖白赴韓追夢辛酸史!
© 2019 KSD韓星網 版權所有 不得轉載. 關於我們 廣告查詢 免責聲明 招募寫手